നീയൊരു താപസ്വിനി, മറ്റേതോ ജന്മത്തിലെ -
മാറാപ്പും വഹിച്ചു കൊണ്ടിവിടെ പിറന്നവള്‍
ഇവരോ..? ജന്മാന്തര സുകൃത ഫലതിനാല്‍
നിന്നുടെ ഉദരത്തില്‍ കുരുത്തു വളര്‍ന്നവര്‍
ഏതു താപഗ്നിയെ കൊണ്ടു ഞാനുപമിക്കും
തായതന്‍ വാല്സല്യതിന്‍ ചൂടും ചുവര്കളും..?
ഏതു രത്നതിന്നുണ്ടാം ഈ കണ്ണിന്‍ തിളക്കം
ഇന്നേതു ചിപ്പിയിലുണ്ടാം നീയേകുന്ന കൈവല്യത..?
ഏതു ശക്തിക്കാകും പകരം നിന്നീടുവാന്‍..?
നിന്നുടെയസാന്നിദ്ധ്യം മറച്ചു പിടിക്കുവാന്‍..?
ഏതു ശയ്യക്കാകും പകര മേകീടുവാന്‍ -
ഈ മടിത്തട്ടെകീടുന്ന സുഖവും സുഷുപ്തിയും..?
ആവില്ലോരുപമയ്ക്കും മറ്റേതു ഭാവങ്ങള്‍ക്കും
ഈ സുകൃതതിന്നു പകരം നിന്നീടുവാന്‍
നന്മയെ കുഴച്ചൊരു രൂപമുണ്ടാക്കിയെന്നാല്‍
" അമ്മ " യെന്നെല്ലാതെ മറ്റെന്തു വിളിക്കും നാം..?
17 നവംബര്‍ 2009
ചെന്നൈ : 06 :02 PM
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ