കഥകള്‍ കേള്‍ക്കുവാന്‍ എനിക്കിഷ്ട്ടമായിരുന്നു..
പറയുവാന്‍ അവള്‍ക്കും...
കുട ചൂടി മഴവെള്ളം തെറുപ്പിച് ..
ഞങ്ങള്‍ ഓടി വരുമായിരുന്നു ...
പൊന്നായി ചേട്ടന്‍ടെ മണിയടി കേള്‍ക്കുമ്പോള്‍..
ഉറുമ്പും തുമ്പിയും ..വിരകളും അട്ടയും ..
ഞങ്ങളുടെ കഥാ പാത്രങ്ങള്‍ക്ക് ജീവന്‍ നല്‍കി...
അവര്‍ രാജാവും രാജ്ഞിയും ..
ആനയും കുതിരയും കാലാള്‍ പടകളുംമായി.
അരങ്ങു തകര്‍ക്കുവാന്‍ ഞങ്ങള്‍ക്കൊപ്പം-
കുറെ പീക്കിരികളും ..!!!!!
*************************************
ഈര്‍ക്കിലിയും തീപ്പെട്ടി കമ്പുകളും
രാത്രിയിലെ വൈദ്യുതി മോഷണത്തെ ഹരം കൊള്ളിച്ചു.
അന്ന് ജയിച്ചു കിട്ടുന്ന ഒരക്ക ചൂതാട്ട പണയത്തിനു
ഇന്നത്തെ അഞ്ചക്ക ശമ്പളത്തെക്കാള്‍ മധുരമുണ്ടായിരുന്നു..
ഇവിടെ തണുപ്പിച്ച ചില്ലുകൂട്ടില്‍ ..ഞാന്‍ വേറെ ആരോ ആകുന്നു..
അന്നെനിക്ക് ഓടി കളിക്കാമായിരുന്നു ...
കുളമാവിന്‍ കുഴിയില്‍ ഊളിയിടാമായിരുന്നു ....
പിന്നെ.., കുസൃതികള്‍ കാട്ടാമായിരുന്നു...
*******************************************************
കാലം ഓടി ഒളിക്കുകയാണ് ...
ഇനി തിരിച്ചു വരില്ലെന്ന വെമ്പല്‍ മാത്രം ബാക്കിയാക്കി...
ആരെയും കാത്തു നില്‍ക്കാതെ...!!!
7 ഡിസംബര്‍ 2010 03 :22 AM
